Xildhibaannada labada aqal ee Baarlamaanka Guurtidda iyo Wakiillada ayaa la iskugu yeedhay fadhi aan caadi ahayn oo ay yeelanayaan maalinta Khamiista ee 2-da Bisha May.
Sidaasna waxa lagu caddeeyey qoraal ay wadajir u soo saareen Guddoomiyaha Golaha Wakiillada Md. Baashe Maxamed Faarax iyo Ku-simaha Guddoomiyaha ahna Guddoomiye ku-xigeenka Koowaad ee Golaha Guurtidda Somaliland Md. Siciid Jaamac Cali, waxaanu qoraalkaasi u qornaa sidan:-
“Sida ku cad Qodobka 38-aad Dastuurka Firqadiisa 6-aad waxa lagu wargelinayaa dhammaan Mudaneyaasha labada Gole (Guurtidda iyo Wakiillada) inay iskugu yimaadaan fadhi aan caadi ahayn maalinta Khamiista ee Bisha May tahay 02/5/2019, saacadu markay tahay 9:00 Subaxnimo oo ah mid muhiim ah.”
Xigasho:- SOLNA